Казанда Триатлон буенча Россия чемпионаты һәм беренчелеге оештырыла

Дуатлон-спринтта катнашучылар йөгерү, велосипед узышы һәм йөгерү этапларын үтәчәк

Марат Мөгыйнов фотосы

9–12 май көннәрендә Казанның Мирный бистәсендәге Чаңгы-биатлон комплексында Триатлон буенча Россия чемпионаты һәм беренчелеге узачак. Ярышларда катнашучылар «дуатлон-спринт» дисциплинасында йөгерү, велосипед узышы һәм йөгерү дистанцияләрен үтәчәк.

Стартка ир-атлар һәм хатын-кызлар, шулай ук 13-14 һәм 15-17 яшьтәге егетләр һәм кызлар чыгачак, дип хәбәр иттеләр Физик культура һәм спорт комитетында.

Ярышлар җәдвалы:

10 май (якшәмбе) – төп ярымфиналлар һәм финаллар:

7:45 – 15-17 яшьлек яшүсмерләр арасында старт (1 нче ярымфинал);
10:25 –13-14 яшьлек яшүсмерләр арасында старт (1 нче ярымфинал);
14:00 – хатын-кызлар старты (Россия чемпионаты);
15:30 – ир-атлар старты (Россия чемпионаты);
17:10 – 15-17 яшьлек яшүсмерләр финалы;
17:40 – 13-14 яшьлек яшүсмерләр финалы;
18:30 – бүләкләү тантанасы.

11 май (дүшәмбе) – эстафеталар:

8:00 – ир-атлар старты (эстафета);
8:05 – яшүсмерләр старты (эстафета);
9:10 – хатын-кызлар старты (эстафета);
9:15 – кызлар старты (эстафета);
11:00 – бүләкләү тантанасы.

7-12 яшьлек яшь спорт сөючеләре «Триатлон лигасы. Балалар» Бөтенроссия ярышларында катнашачак. Биш ел эчендә лига 25 меңнән артык баланы берләштергән.

Шулай ук укыгыз

Барлык яңалыклар